فاهيتا الدجاج سندوتشات مقبلات لذيذه

المقادير:

صدر دجاجه مقطع قطع متوسطة الحجم..
بصله + حبة فلفل اخضر بارد (ايه هذاك اللي منتفخ وليس حراقا)
ليمونه صفراء..اهم شي لاتصير تستهبل وصايره خضراء
بودرة باربيكو + بودرة ثوم+ بودرة الباربيكا اللي هي فلفل حار مطحون لكنه لزيييز


  اغلب الموضوع راح يكون موضح بالصور..


اولا قطع البصله والفلفل البارد وصب عليها مايعادل ملعقة اكل كبيره من الزيت..
يعني الكميه نوعا ما بسيطه..في صحن قبل لاتخلطها وتحطها في المقلاة




وبعدها تحطها في مقلاة ساخنه





على ماياخذ البصل وقته عشان يتحمر على خفيف..روح اتفاهم مع الدجاجه..
تجيبها وتحطها في الصحن وتصب عليها ملعقة زيت..وتحط البهارات..وتعصر عليها الليمونه..زي كذا..
(تعمدت اخلي كم قطعه من الدجاجه فوق عشان تشوفون كيف البهارات بتغطيها..)




ثم ابدأ عملية التقليب عشان تتوزع البهارات والزيت وتنخلط بالشكل المناسب.



تحط الدجاج في قدر تيفال ثاني ويكون ساخن قبل لاتحطه










استمر بالتقليب الى ان يتبخر الماء بالكامل




الآن تضيف البصل على الدجاج.



سوي اخلط اخلط اخلط




عاد هنا تجي اللمسه السحريه الخاصه اللي تعطي نكهه مميزه بالنسبه لي..اللي هي صلصة الستيك..ولو انها مالها دخل بالطبخه ذي..
لكنها تعطي مذاقا رائعا..خصوصا اذا كانت بكميه موزونه..وتحطها قبل لايوصل الدجاج للمرحله الاخيره من الطبخ..زي كذا..





استمر بالتقليب واستمتع بصوت التشتشه الى ان تختفي صلصة الستيك وتمتزج بالدجاج..
الآن حان وقت اللمسات الاخيره ماقبل التقديم..

حطها في صحن هذاك اللي يتحمل الحريق مدري الحراره..اللي يسمونه بوراكس <<هذا بلك الله يحفظك!!
المهم حطها والفرن لازم يكون شغال على حرارة 300..
زي كذا..




تدري ليش الفرن لازم يكون شغال؟؟ عشان الجبنه التشيدر المبشوره اللي بتحطها على الدجاج..
زي كذا..




والآن ارميها في الفرن مدة 3 دقائق بالكثير..يعني بس الوقت اللي يحتاجه الجبن عشان يذوب..